Friday, February 17, 2012

اسعار قاعات الأفراح في مصر 2012 كل القاعات بالتفصيل

اسعار قاعات الأفراح في مصر 2012 كل القاعات بالتفصيل



اسعار قاعات الأفراح في مصر 2012 كل القاعات بالتفصيل


هنعرف مع بعض إن شاء الله أفضل القاعات في القاهرة
وأسعارها وبعض الصور مرفقة للقاعات بالصور عندنا في الجروب

وأعذروني استثنيت من ذلك قاعات دار الدفاع الجوي عشان
غنية عن التعريف في جمالها وروعتها
لكن أسعارها تبدأ من 50 و60 ألف وانتو طالعين
مبلغ مبالغ فيه حبتين!!صح؟

أنا لفيت علي بعض القاعات بنفسي
وجبت منهم منيو الأسعار وعملتها سكان عشان تشوفوها

وربنا يتمم بخير لكل عروسين يارب

مبدئيا لازم نعرف ان طبعا أكتر حاجة بتفرق في سعر الفرح هي البوفيه


غير كده عدد المدعوين لأن كلما كتر كلما زاد البوفيه
والعدد اللي يزيد عن القاعة بتزيد الخدمة ليه كمان

غير كده لو العروسين حبوا يضيفوا برامج زيادة على القاعة زي فرقة أو مغني ده برضه بيفرق في السعر

القاعات اللي هنشوفها النهاردة من أفضل القاعات

ونبدأ بأجملهم من وجهة ظري



مرسى النهر الخالد




قاعة حورس

القاعة دي جامدة جدا جدا

ماتتخيلوش أد إيه فخمة وشيك

القاعة لسة جديدة وآخر تجديدات لسة معمولة فيها الشهر ده

القاعة على البحر علي طول وواسعة وحلوة ومافيش أعمدة
(وده شيء بيضايق ناس كتير
خصوصا لما المعزومين مايعرفوش يشوفوا بعض
أو يشوفوا العروسين بسبب الأعمدة الكتير في القاعة)

وللأسف ماعرفتش أصورها لأن العمال كانوا شغالين في التجديدات
وماكانش فيها أي تربيزات
بس الصور اللي شوفتها عندهم تحفة
ووجود القاعة على النيل علي طول خصوصا ان كلها زجاج
فده بيدي شعور حلو أوي أوي

عندهم أشكال كتير لكسوة الكراسي والكوشة
غالبا سعر الكوشة بيكون 700 جنيه
وأغلى كوشة فيهم ب1200 جنيه
وسعر كسوة الكراسي كان الكرسي الواحد ب 5 جنيه
ومفرش التربيزة ب 25 جنيه
وانتو اللي بتختاروا الشكل من الكاتالوج اللي عندهم

ممكن مصاريفهم تكون كتيرة لبعض الناس لكن ده أكيد لأنها لسة متجددة قريب
والمدخل بتاعها كمان حلو أوي
وخدوا بالكوا مدخل التول اللي بالورد ده مش ببلاش بفلوس
بس نسيت قالولي كام بصراحة

في كمان مدخل من غير زينة
مدي شكل فرعوني جميل جدا جدااا

حتى مدخل مرسى النهر الخالد جميل
وفيه مراجيح ولعب لو فيه أطفال في الفرح هيفرحوا بيها أوي

بكدة انتهينا من أول أجمل القاعات

--------------------------------------
نيجي للقاعة اللي بعدها في الجمال والفرق بينهم مش كبير
يعني كل القاعات اللي انا جايباها النهاردة حلوة جداا

القاعة اللي في



Sea Horse
قاعة خان الخليلي

دي برضه على كورنيش النيل

القاعة برضه واسعة ومشابهة لقاعة حورس
وجميلة بس الفرق ان دي مش زجاج ولا على النيل

زي ما قولت القاعة جميلة جدا جدا خصوصا المدخل بتاعها
وواسعة وأعذروني اني ماصورتهاش
لكن شوفتها وحلوة فعلا
--------------------------------------

بعد كده قاعات دار المركبات

فيه أكثر من قاعة الحقيقة



قاعتي نفرتيتي ونفرتاري


(مش عارفة إيه الأسامي اللي تلخبط دي )


قاعة فيهم فوق وقاعة تحت الاتنين دول في نفس المبنى

اللي تحت بابها على الدار يعني على الشارع
(مش الشارع الخارجي أقصد المكان اللي جوة سور الدار)

والتانية بنطلعلها بسلم من جوة


وبصراحة انا اتلخبطت مين فيهم فوق ومين تحت الأسامي متشابهة أوي
المهم


أما القاعة التانية اللي تحت

هتشوفوا ان الفرق بينهم مش كبير بس انا حسيت ان المكان تحت احلى
أنا فاكرة ان المكان أدام الكوشة كان أوسع عشان زحمة المعازيم وكده

نيجي للقاعة التالتة اللي شوفتها هناك
(ملحوظة أنا ماشفتش كل القاعات هما التلاتة دول بس)

برضه جميلة أوي اسمها لؤلؤة بس صغيرة

القاعة دي جوة الدار بتاعت الفندق
ودار المركبات ميزتها انها بتدي للعروسين ليلة مجاني في الفندق
عند حجز أي قاعة فيها

قاعة لؤلؤة هي القاعة اللي جوة الفندق
عشان كده بيتضاف ليها رسم مدخل فندق 150 جنيه
(الناس بتتلكك عشان تاخد فلوس )
-------------------------------------------------

اسعار قاعات الأفراح 2012 اقتباس اسعار قاعات الأفراح 2012

اسعار قاعات الأفراح 2012 اسعار قاعات الأفراح 2012 المشاركة الأصلية كتبت بواسطة سيدة القصر اسعار قاعات الأفراح 2012

اسعار قاعات الأفراح 2012




فرحك قرب ومش عارف هتعمليه فين
او بمعنى اصح مش فاضية تدورى
ما تقلقيش هنا كل حاجة تخص قاعات مصر
ولو ف استفسار
انا فى الخدمة


اشهر الفنادق فى القاهرة:
فنادق 5 نجوم


1- فندق كونراد
2- فندق جراند حياة
3- فندق فور سيزون نايل بلازا
4- فندق فور سيزون فيرست مول
5- فندق سميراميس أنتر كونتينينتل
6- فندق ماريوت الزمالك
7- فندق شيراتون القاهرة
8- فندق هيلتون رمسيس
9- فندق هيلتون النيل
10- فندق سيتي ستار أنتر كونتينينتل هليوبليس
11- فندق كونكورد السلام
12- فندق موفينبيك هليوبليس
13- فندق لي مريديان هليوبليس
14- فندق سيفوتيل القاهرة بيراميدز
15- فندق أبوروي مينا هاوس بيراميدز
16- فندق شيراتون هليوبليس
17- فندق شيراتون الجزيرة
18- فندق شيراتون رويال جاردن




فنادق 4 نجوم


1- فندق هلنان شبرد
2- فندق سيفوتيل المعادي
3- فندق البيراميزا
4- فندق الهيلتون بيراميدز
5- فندق الماريوت (القاهرة)
6- فندق جولدن تيوليب فلامنجو
7- فندق سونسيتا
8- فندق أطلس الزمالك
9- فندق نيفوتيل 6 أكتوبر
10- فندق النبيله كيرو
11- فندق السفير
12- فندق أجنحة السفير الزمالك




فنادق 3 نجوم


1- فندق سلمى
2- فندق الواحة
3- فندق ساره أن
4- فندق المعادى



اسعار بعض الفنادق فى القاهرة
(طبعا فى اسعار عالية اوووى وبجد انا شايفة ان ده افترى وحرام يعنى فرحتك والله بجوزك)






فنادق خمس نجوم


فندق كونكورد السلام


ال 100 فرد ب 17800 جنيه والفرد الأضافى ب 145 جنيه



نايل هيلتون


الفرد ب 150 او 170 او 200 جنيه غير الأساسيات ده بوفيه بس



هيلتون رمسيس


ب 150 أو 160 أو 170 للفرد + 3500 جنيه أساسيات يعنى زفه وكوشه ودى جى وتصوير فيديو وفوتو



لو باساج ( موفنبيك المطار)


خميس وجمعه وسبت ال 100 فرد ب 15675 والفرد الأضافى ب 130 جنيه
وباقى الأيام ب 13525 جنيه والفرد الأضافى ب 110 جنيه كله يعنى البوفيه والأساسيات( زفه وكوشه ودى جى وتصوير فيديو مكسر وفوتوغرافى وتورته 7 أدوار+ شربات)



سياج بيراميدز


ال 100 فرد هاى تى ب 4900 جنيه والفرد الأضافى ب 35 جنيه
وأوبن بوفيه ب 6900 جنيه والفرد الأضافى ب 55 جنيه
بوفيه و زفه وكوشه ودى جى وتصوير فيديو وفوتو وتورته 3 دور



فندق بيراميزا


ال 150 فرد ب 22000 او 24000 الف
(البوفيه وزفه وكوشه ودى جى وتصوير فيديو وفوتوغرافى وتورته 5 ادوار)



ميريديان الهرم


ال 100 فرد ب 13950 جنيه البوفيه وزفه وكوشه ودى جى وتصوير فيديو وفوتوغرافى وتورته )



فندق كتراكت


ال 100 فرد + 10 افراد free ب 12600 أو 13600 أو 15600
(شامل البوفيه وزفه وكوشه ودى جى ومطرب بيغنى شرقى وغربى وتصوير فيديو وفوتوغرافى وتورته وليلق اقامه مع الفطار وشهر عضويه مجانيه فى النادى الصحى)
والفرد الأضافى ب 107.5 أو 113.5 أو 129.5





فنادق اربع نجوم


فندق نوفوتل المطار


الفرد ب 110 أو 129 أو 160 جنيه اوبن بوفيه+ تورته واقامه ليلتين بالفندق بالفطار + المشروبات
+ 3200 جنيه ( زفه وكوشه ودى جى وتصوير فيديو مكسر وفوتوغرافى)




فندق شبرد


قاعة نفرتيتى بتكفى 150 فرد ب 23000 جنيه بوفيه كامل + زفه وكوشه ودى جى وتصوير فيديو وفوتوغرافى وتورته)




موفنبيك الهرم


ال 100 فردب 13000 او 14000 او 16000 او 17000 شامل كل حاجه البوفيه وزفه وكوشه ودى جى وتصوير فيديو وفوتوغرافى وتورته




فندق سونستا


ال 100 فرد ب 15500 جنيه والفرد الأضافى ب 155 جنيه شامل البوفيه وزفه وكوشه ودى جى وتصوير فيديو وفوتوغرافى وتورته




كتراكت بيراميدز سقاره ريزورت


يحتوي على قاعه واحده وسعر الفرح فيه لعدد 100 فرد شامله الزفه والكوشه والدي جي وايجار القاعه وهديه اقامة ليلتين في الفندق وليله في اول عيد زواج واشتراك لمدة شهر في النادي الصحي يقسم الى ثلاث فئات حسب درجة البوفيه


1- 9800 والفرد الزياده ب 80 جنيه
2- 10800 والفرد الزياده ب 95 جنيه
3- 12800 والفرد الزياده ب 110 جنيه
مستوى الفندق ممتاز هو 5 نجوم للعلم والقاعه جديده وامكانيتها جيده وتسع حتى 500 فرد وستوديو التصوير مجهز والزفه بالحديقه بجوار حمام السباحه
وفى حديقه كبيره جنب حمام السباحه بتتعمل فيها الافراح في الصيف بس




موفينبيك المطار
فندق 5 نجوم وسعر الفرح لعدد 100 فرد شامل البوفيه والتورته والزفه والدي جي والقاعه بمستلزامتها يحدد حسب الايام
1- بوفيه الف ليله وليله ايام الخميس والجمعة والسبت 12200 جنيه
الفرد الاضافي ب 98 جنيه
اقامه ثلاث ليالي في جناح الملكات شامله الافطار او خمسة ليالي في غرفة مميزه
2- بوفيه شهرزاد ايام الاحد والاثنين والثلاثاء والاربعاء 10500 جنيه
الفرد الاضافي ب 83 جنيه
اقامه ليلتين في جناح الملكات شامله الافطار او اربعة ليالي في غرفه مميزه




فندق نوفيتال المطار


يعتمد نظام الفندق على تقسيم البوفيه لثلاث فئات تشمل كل فئه سعر البوفيه وتورتة العروسه وشربات الفرح واقامة ليلتين في الفندق شامله الافطار
1- زفاف فينا لعدد 100 فرد 7200 جنيه والفرد الزياده ب 70 جنيه
2- زفاف فينيسيا لعدد 100 فرد 8900 جنيه والفرد الزياده ب 85 جنيه
3- زفاف فيرجينيا لعدد 100 فرد 12000 جنيه والفرد الزياده ب 120 جنيه
باقي مستلزمات الفرح من زفه وكوشه وصور وخلافه يتم اختيارها من القايمه عند ادارة الحفلات اما بالنسبه للقاعه فهى واسعه ومستواها جيد جدا وامكانيتها جيده




فندق الجولف سيتى


والباكيدج بتاعة يبدأ من 15200 لمائة فرد شاملة الآتى:
زفة دمياطي 14 فرد
ديسكو جوكي (مجدي ميكس) مع عروض السيمي ليزر
كوشة العروسين مع تنسيق الزهور على 10 موائد والسلم
تصوير فيديو ميكسر 2 كاميراواحدة طوال الفرح مع فيلم 36 صورة
زفة شربات
مياه معدنية ومياه غازية مع العشاء
تورتة زفاف مع شاي أو قهوة
اقامة ليلة واحدة مع الإفطار
سعر الفرد الزيادة125

No comments:

Post a Comment

Post a Comment